گۆڕان دەستبەکاربونی بەڕێوبەرێکی دیکەی لەگەرمیان رادەگەیەنێت

2022/10/18 - 09:14 | 2474 جار بینراوە    
 
ده‌نگ نێت
 
بزوتنه‌وه‌ى گۆڕان بەڕێوبەرێکی نوێى بۆ پۆستێکی گەرمیان دیاری دەکات و بڕیاریشە لەچەند هەفتەی داهاتودا دەستبەکار بێت. 
 
دوێنی ژیلوان عادل، بەڕێوبەری پێشوی ناحیەی شێخ تەویل له‌ كه‌لار له‌ پشكى گۆڕان، وەکو بەڕێوبەری گشتی چاودێری و گەشەپێدانی کۆمەڵایەتی گەرمیان لە جێی دەرون عومەر كه‌ ئه‌ویش له‌ پشكى گۆڕان بو، دەستبەکار بو. 
 
فەیسەڵ حەسەن، باژێڕوانی مەکۆی کەلاری بزوتنەوەی گۆڕان، بە رادیۆی دەنگی وت: بۆ پۆستى بەڕێوبەری ناحیەی شێخ تەویل، دانا ئەحمەد لە جێگەی ژیلوان عادل دەستبەکار دەبێت.
 
دانا ئه‌حمه‌د، سكرتێری مه‌كۆی كه‌لاری بزوتنه‌وه‌ى گۆڕانه‌ و پارێزه‌ره‌.
 
لەبارەی وادەی دەستبەکاربونیشیەوە، فه‌یسه‌ڵ حه‌سه‌ن وتى: لەئێستادا رێکارە ئیداریەکانی بەرەو تەواو بون دەچێت و لە چەند هەفتەی داهاتودا دەستبەکار ده‌بێت. 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,653     ژمارەی میوان 36