كۆمه‌ڵی دادگەری: ئه‌گه‌ر ماینه‌وه‌ له‌ پارله‌مان هاوپه‌یمانێتیه‌ك دروست ده‌كه‌ین

2022/10/18 - 05:15 | 257 جار بینراوە    
 
ده‌نگ نێت
 
پارله‌مانتارێكى فراکسیۆنی کۆمەڵی دادگەری ئاشكراى ده‌كات به‌مانه‌وه‌یان له‌ پارله‌ماتى كوردستان، هاوپه‌یمانێتیه‌ك پێكدێنن.
 
لە میانەی بەرنامەی گفتوگۆی دەنگی رادیۆی ده‌نگ دا، عومەر گوڵپی، ئەندامی پەرلەمانی کوردستان لە  فراکسیۆنی کۆمەڵی دادگەری، لە بارەی مانەوەیان لەپەرلەمان دوای تەواوبونی وادەی یاسایی ئه‌م خوله‌ و درێژكردنه‌وه‌ى واده‌كه‌، وتى: هێشتا کۆمەڵی دادگەری بڕیاری یەکلاکەرەوەی نەداوە، پاش راوێژ بە هاوڵاتیان و کەسانی شارەزا، دواتر هەڵوێستی خۆمان رادەگەیەنین.
 
هاوکات ئاشكراشی كرد كه‌ پێشنیازێك له‌ ئارادایه‌ به‌وه‌ى ئه‌گه‌ر مانه‌وه‌ له‌ پارله‌مانى كوردستان، له‌گه‌ڵ چه‌ند لایه‌نێكى دیكه‌ دا له‌نمونه‌ى "پارله‌مانتاره‌ سه‌ربه‌خۆكانى گۆڕان" هاوپەیمانێتیه‌ک پێكبێنن.
 
پارله‌مانتاره‌ سه‌ربه‌خۆكانى گۆڕان، بریتین له‌ هه‌ریه‌كه‌ له‌: عه‌لی حه‌مه‌ساڵح، شیرین ئه‌مین، دابان محه‌مه‌د، شایان عه‌سكه‌رى و ئاشنا عه‌بدوڵلأ.
 
لە ماوەی رابردو دا پارله‌مانى كوردستان له‌رێگه‌ى یاسایه‌كه‌وه‌ ته‌مه‌نى ئه‌م خوله‌ى درێژ كرده‌وه‌، به‌وهۆیه‌شه‌وه‌ هه‌ندێك له‌لایه‌نه‌كان رایانگه‌یاند له‌ پارله‌مان ده‌كشێنه‌وه‌، له‌نێویاندا یه‌كگرتوى ئیسلامی، هاوكات هه‌ندێك پارله‌مانتارى دیكه‌ ده‌ستیان له‌كاركێشایه‌وه‌.
 
 



Dengnet.net - 2023
دروستکراوە لەلایەن کۆمپانیای (کۆدتێك)ەوە
ژمارەی سەردان 1,515,788     ژمارەی میوان 1204