ئەمساڵ ژمارەیەکی کەمتر فێرخواز لە زانکۆی گەرمیان وەردەگرێت

2022/10/16 - 07:51 | 190 جار بینراوە    
 
دەنگ نێت
 
ئەمساڵ بەراورد بەپارساڵ ژمارەیەکی کەمتر فێرخواز لە زانکۆی گەرمیان وەرگیراون، سەرۆکی زانکۆکەش هۆکارەکەی دەخاتەڕو.
 
د. فەرهاد قادر، سەرۆکی زانکۆی گەرمیان، بە رادیۆی دەنگی وت: ئەمساڵ ئەگەرچی بەگشتی نمرە روی لە دابەزین کردوە، بەڵام ژمارەی وەرگرتنی فێرخواز بە بەراورد بەساڵی رابردو کەمترە. 
 
رونیشیکردەوە: پارساڵ لەزانکۆی گەرمیان نزیکەی ١٥٠٠ فێرخواز وەرگیراون، بەڵام بۆ ئەمساڵ ژمارەکە دابەزیوە بۆ هەزار فێرخواز. 
 
بەوتەی سەرۆکی زانکۆکە بابەتەکە پەیوەندیدارە بە کەمی رێژەی دەرچونی پۆلی ١٢ و دابەزینی نمرە کە هۆکاری سەرەکین. 
 
لەبارەی ناڕەزایەتی هەندێک لە فێرخوازانی زانکۆکە بە دابەزینی نمرە کە لەساڵانی پێشوتر نمرەی بەرزتر وەردەگیرا، د. فەرهاد قادر دەڵێت: هۆکارەکەی ئەوەیە نمرەیەکی کەمتر هەیە کە وایکردوە بەش و کۆلێجە جیاجیاکان جیاوازتر بن لە ساڵانی پێشوتر، لەگەڵیشیدا زۆرترین فێرخواز بەسیستەمی زانکۆلاین وەرگیراون.



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,681     ژمارەی میوان 29