"سەنتەری تیشکی کەلار لەسەر ئەرکی خێرخوازان و پەرلەمانتاران کەوتەوە کار"

2022/10/12 - 12:08 | 253 جار بینراوە    
 
دەنگ نێت- رەنج زەیدان
 
لێپرسراوی ئیدارەی سەنتەری تیشک لە کەلار دەڵێت بەپارەی خێرخوازان و پارلەمانتاران کارەکانیان دەستیپێکردوەتەوە و مانگانە ٣-٥ ملیۆن دیناریان دەوێت.
 
کاروان محەمەد رەشید، بۆ رادیۆی دەنگ وتی: لە مانگی ئادارەوە دوای ئەوەی بڕیار درا مانگانە تەنها بڕی ١٠٠ میلۆن دینار بۆ هەمو پێداویستییەکانی تەندروستی گەرمیان تەرخان بکرێت، لەو کاتەوە کەرەستە و پێداویستییەکانمان دای لە کەمی.
 
هێمای بەوەش کرد: نزیکی مانگێک مەواد نەما، بەڵام ئێستا سەنتەرەکەمان لەسەر ئەرکی خێرخوازان و ئەندام پەرلەمانانی عێراق کەوتوەتەوە کار.
 
وتیشی: لە ئێستادا ١٨ میلۆن قەرزارین و بۆ ئەوەی کارەکانمان بەردەوام بێت مانگانە پێویستیمان بە سێ بۆ پێنج میلۆن دینارە.
 
پێشتریش بەڕێوبەری گشتی تەندروستی گەرمیان ئاماژەی بەوەدابو ئەو ١٠٠ ملیۆنە بەشی پارەی هەمو کەرەستە و خزمەتگوزارییەکان ناکات، هۆشداریشی دابو لەوەی دۆخی خزمەتگوزارییەکانیان خراپتر دەبێت.
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,663,487     ژمارەی میوان 565