به‌ڕێوبه‌رى بەڕێوبەرایەتی ئاوى كه‌لار ده‌ڵێت: تاوه‌كو كۆتایی ئه‌مساڵ هه‌ر هاوڵاتیه‌ك پێوه‌رى ئاو ببه‌ستێت ئه‌وه مانگانه بڕی ١٠ هه‌زار دینارى بۆ هەژمار دەکرێت، بەپێچەوانەوە بڕەکە دەبێتە ٨٠ هەزار.
سامان ره‌حیم، به رادیۆى ده‌نگى راگه‌یاند: به‌پێى بڕیارێكى وه‌زارەتی شارەوانی، هه‌ر هاوبه‌شێكى ئاو تاوه‌كو کۆتایی ئه‌مساڵ پێوه‌رى ئاو ببه‌ستێت، ئه‌وا له برى ٨٠ هه‌زار دینار، بڕی ١٠ هه‌زار دیناری مانگانەی بۆ دێته‌وه، ناوچه بازرگانیه‌كانیش له برى ٢٠٠ هه‌زار دینار، ١٢٠ هه‌زاریان بۆ دێته‌وه.
وتیشى: له دواى ئه‌و رێکەوتەوە كه دیارییكراوه هه‌ر هاوبه‌شێک پێوه‌ری نه‌به‌ستبێت، ئه‌وا له مانگى ٢ـی ساڵى ٢٠٢١ـەوە تا ئەوکاتە، هەر مانگەی بڕی ٨٠ هەزار دینارى بۆ هەژمار دەکرێت.