گۆڕانکاریی لە دۆسیەی تیرۆرکردنی (م. شەماڵ) دێتە ئاراوە

2022/10/04 - 04:29 | 313 جار بینراوە    
 
دەنگ نێت
 
کوڕێکی نوسەر و لێکۆڵەر م. شەماڵ کە پێش ٤٠ رۆژ لە کفری تیرۆرکرا، دەڵێت: بە فەرمی هیچ زانیارییەکمان لەسەر دۆسیەکە پێنەدراوە، بەڕێوبەری ئاسایشی شارەکەش دەڵێت: دادبینیکردنی دۆسیەکە لە یاسای سزادانەوە گۆڕدراوە بۆ تیرۆر.
 
رەنجە سوهێل، کوڕی سوهێل خورشید ناسراو بە (م.شەماڵ)، بە رادیۆی دەنگی وت: پارێزەرمان بۆ کەیسەکە گرتوە لەدادگا، بەڵام تائێستا هیچ شتێکمان بۆ رون نەبوەتەوە و بە فەرمی هیچمان پێڕانەگەیەنراوە، چاوەڕێی بەدواداچون و ئەنجامی لێکۆڵینەوەکانین.
 
لایخۆشیەوە، هیوا عەلی، بەڕێوبەری یاریدەدەرێتی ئاسایشی کفری، بە رادیۆی دەنگی راگەیاند: هێشتا لێکۆڵینەوە لەروداوەکە بەردەوامە، ماددە یاساییەکەی لە ٤۰٦ـی یاسای سزادانەوە گۆڕدراوە بۆ ماددەی ٢ـی تیرۆر.
 
وتیشی: تا ئێستا چەند کەسێک راگیراون لەسەر ئەو بابەتە و لێکۆڵینەوە لە روداوەکە بەردەوامە.
 
نیوەڕۆی رۆژی ٢٨ـی ئابی ٢٠٢٢، سوهێل خورشید عەزیز، لەدایکبوی ١٩٦٠ و فەرمانبەر لە کشتوکاڵی کفری، کە هاوکات کادیری تەڤگەری ئازادی نزیک لە پەکەکە بو و نوسەر و لێکۆڵەری بواری مێژو و جوگرافیای گەرمیان و کەرکوک بو، لەبەردەم ماڵەکەی خۆی لە کفری بە دەستڕێژی گولە کوژرا.



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,663,364     ژمارەی میوان 535