ژمارەی دەستگیرکراوان بەهۆی ئاسانکاریی کردن بۆ زیادەڕۆیی لە باخەکان گەیشتوەتە ١٧ کەس

2022/09/26 - 12:34 | 1299 جار بینراوە    
 
دەنگ نێت
 
ژمارەی ئەو کەسانەی لەسەر پرسی زیادەڕەوی لە باخ و زەویە کشتوکاڵییەکانی گەرمیان گیراون، ١٧ کەسن کە لەنێویاندا ‘دەڵاڵ’ و خاوەن باخ و کارمەندی پۆلیس هەیە.
 
بەپێی زانیارییەکانی رادیۆی دەنگ، ١٧ کەس بە فەرمانی دادوەر راگیراون، لەسەر پرسی زیادەڕەویی لەسەر  باخ و زەوییە کشتوکاڵیەکانی گەرمیان.
 
هەر بەپێی زانیاریەکان، دۆسیەکە لای دادوەری دەستپاکی گەرمیانە و لێکۆڵینەوەی تێدا دەکات و تائێستاش بەردەوامە لە لێکۆڵینەوە، هاوکات دەستگیرکردنەکان سپێردراوە بە ئاسایشی گەرمیان. ئەو کەسانەشی کە راگیراون، خاوەن باخ و ‘دەڵاڵ’ و پۆلیسیشیان تێدایە.
 
رادیۆی دەنگ بۆ وەرگرتنی زانیاریی لەسەر کەیسی زیادەڕۆی و دەستگیرکردنی کەسەکان، پەیوەندی بە وتەبێژی ئاسایشی گەرمیانەوە کرد، بەڵام پەیوەندییەکەی بێ وەڵام بو.
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,662     ژمارەی میوان 38