د. حارس محەمەد: بڕیارە لەهەفتەی داهاتوەوە موچەی کارمەندانی نەحۆشخانەی قەڵا خەرج بکرێت

2022/09/25 - 04:40 | 129 جار بینراوە    
 
دەنگ نێت
 
ماوەی چوار مانگە موچەی کارمەندانی بەشی نەخۆشخانەی قەڵا لە كه‌لار دابەشنەکراوە، بەڕێوبەری نەخۆشخانەکەش دەڵێت: نوسراومان بۆ ئیدارەی گشتی یەکێتی کردوە بەڵێنیان داوە لەهەفتەی داهاتوەوە پارەکە خەرج بکەن
 
سەرجەم کارمەندانی به‌شى نەخۆشخانەی قەڵا بۆ چاودێریی ورد و نەخۆشیە گوازراوەکان کە ژمارەیان زیاتر لە 100 کارمەندە، نزیکەی چوار مانگە هیچ بڕە موچەیەکیان وەرنەگرتوە کە پارەکەیان لە لایەن ئیداره‌ى گشتى یەکێتی نیشتمانیەوە دابین دەکرێت.
 
د. حارس محەمه‌د، بەڕێوبەری نەخۆشخانەى گشتى كه‌لار كه‌ به‌شى نه‌خۆشخانه‌ى قه‌ڵا هه‌ر سه‌ر به‌و نه‌خۆشخانه‌یه‌یه‌، بە رادیۆی دەنگی وت: دوای ئەوەی نوسراومان بۆ ئیدارەی گشتی یەکێتی کرد، بەڵێنیانداوە لەهەفتەی داهاتوەوە پارەکە خەرج بکەن.
 
وتیشی: بۆ ئەوەی قورسایی موچەکە کەم بکەینەوە، پارەکەمان لە 57 ملیۆن دینارى مانگانه‌وه‌ کەمکردوەتەوە بۆ 35 ملیۆن دینار.



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 924,615     ژمارەی میوان 35