بەتۆمەتی بەڕێوەبردنی پەیجی فەیسبوک کە قسەی بە بەرپرسان کردوە، کەسێک لەکەلار دەستگیر دەکرێت

2022/09/14 - 02:39 | 1156 جار بینراوە    
 
دەنگ نێت
 
لەکەلار کەسێک دەستگیرکرا بەتۆمەتی بەڕێوەبردنی پەیجی فەیسبوک کە لێوەوەی قسە بە ژمارەیەک بەڕێوبەر و بەرپرس و هاوڵاتی گەرمیان کراوە.
 
بە وتەی سەرچاوەیەکی ئاگادار کە بۆ رادیۆی دەنگ قسەی کرد، هێزەکانی ئاسایش پێرێ (١٢ـی ئەیلول) کەسێکیان دەستگیر کردوە بەتۆمەتی بەڕێوەبردنی پەیجی نەناسراو "وەهمی" کە لێوەوەی قسە بە ژمارەیەک بەڕێوبەر و بەرپرس و هاوڵاتی گەرمیان کراوە. 
 
بە وتەی سەرچاوە ئەمنییەکە، هێزەکانی ئاسایش و بە پشت بەستن بە مافی گشتی "حق العام" و بە فەرمانی دادوەر کەسەکەیان دەستگیر کردوە و هێشتا لەژێر لێکۆڵینەوەدایە و دۆسیەکە یەکلایی نەبوەتەوە.
 
رادیۆی دەنگ بۆ وەرگرتنی زانیاری زیاتر، پەیوەندی بە بەرپرسی راگەیاندن و پەیوەندییەکانی ئاسایشی گەرمیانەوە کرد، بەڵام ئامادە نەبو لەوبارەوە زانیاری بخاتەڕو.
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 836,657     ژمارەی میوان 39