کەلار؛ کارمەندێکی ئاسایش بە تۆمەتی دزینی مۆبایل بە بەهای 5 دەفتەر دۆلار دەستگیر دەکرێت

2022/09/14 - 12:31 | 736 جار بینراوە    
 
دەنگ نێت
 
پۆلیسی گەرمیان ئاشکرای دەکات "کەسێک بە تۆمەتی دزینی مۆبایل بە بەهای زیاتر لە پێنچ دەفتەر دۆلار، بە فەرمانی دادوەر دەستگیر کراوە"، بەپێی زانیارییەکانی رادیۆی دەنگیش کەسەکە کارمەندی ئاسایشە.
 
عەلی جەمال قەدوری، وتەبێژی پۆلیسی گەرمیان، لەمباریەوە بۆ رادیۆی دەنگ وتی: لە ساڵی ٢٠١٩ سکاڵاکارێک ھاتە لامان و پێی راگەیاندین کەسێک چەند جارێک ھاتوەتە دوکانەکەی و مۆبایلی لێ دزیوە کە تێکڕا بەهای مۆبایلە دزراوەکانی نزیکەی ٥٥ هەزار دۆلار (پێنچ دەفتەر و نیو) دەبێت.
 
ھێمای بۆ ئەوەشکرد: دواتر سکاڵاکارەکە پێی وتین لەگەڵ تۆمەتبارەکە رێککەوتون بەوەی کە پارەکەی بداتەوە و ئەویش سکاڵا ناکات، بەڵام پاش ماوەیەکی زۆر تەنھا بەشێکی پارەکەی داوەتەوە و ئەو بەشەکەی ماوە.
 
دەشڵێت: ئێستا سکاڵاکار سکاڵای لەسەر کەسەکە تۆمارکردوەتەوە.
 
جەختی لەوەشکردەوە: لە ئێستاشدا بە بڕیاری دادوەری لێکۆڵینەوە، تۆمەتبارەکە دەستگیرکراوە و بەپێی مادەی ٤٤٦ بەندکراوە.
 
بەپێی زانیاریەکانی رادیۆی دەنگ، تۆمەتبارەکە کارمەندی ئاسایشە.



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 836,749     ژمارەی میوان 43