دەنگ نێت
قه‌ره‌بونه‌كردنه‌وه‌ى جوتیاران له كه‌لار دابه‌شكردنى زه‌وى زیندانیانى سیاسى راگرتوه، به‌ڕێوبه‌رى كشتوكاڵى گه‌رمیانیش ده‌ڵێت: به‌هۆى ئه‌وه‌ى ئه‌و جوتیارانه زه‌ویه‌كانیان گرێبه‌سته قه‌ره‌بو نایانگرێته‌وه، كێشه‌كه به هه‌ڵپه‌سێردراوى ماوه‌ته‌وه.
شادیه حسێن، به‌ڕێوبه‌رى گشتى كشتوكاڵى گه‌رمیان، له‌مباره‌یه‌وه بۆ رادیۆى ده‌نگ وتى: "كێشه‌ى زه‌وى زیندانیانى سیاسى به هه‌ڵپه‌سێردراوى ماوه‌ته‌وه، چونكه تاوه‌كو ئێستا قه‌ره‌بوى ئه‌و جوتیارانه نه‌كراوه‌ته‌وه كه ژماره‌یان 40 جوتیاره".
وتیشى: له مانگى 12ـی ساڵى 2018 به بڕیارێكى ئه‌نجومه‌نى وه‌زیران قه‌ره‌بوى ئه‌و جوتیارانه راگیراوه، چونكه ته‌نها گرێبه‌ستیان هه‌یه و خاوه‌ن ماف نین، ئه‌گه‌رچى بڕیارى ته‌رخانكردنى ئه‌و زه‌ویە بۆ شاره‌وانى پێش ئه‌و بڕیاره بوه، به‌ڵام مامه‌ڵه و قه‌ربوكردنه‌وه‌كان كه‌وتوه‌ته دواى ئه‌و بڕیاره.
هێماى بۆ ئه‌وه‌شكرد: ئیداره‌ى گه‌رمیان و لایه‌نه په‌یوه‌ندیدارەكان بۆ ئه‌و مه‌به‌سته كۆنوسى خۆمانمان كردوه، به‌ڵام بڕیاره‌كه لاى ئه‌نجومه‌نى وه‌زیرانه.