ده‌نگ نێت
له سنورى گه‌رمیان له كۆى 110 پرۆژه ته‌نها 6 پرۆژه‌ى ناوبه‌ناو كارى تێداده‌كرێت، ئه‌ویش به‌هۆى خه‌رج نه‌كردنى پێشینه‌ى به‌ڵێنده‌ره‌وه، به‌ڕێوبه‌رى به‌شى پلاندانان له ئیداره‌ى گه‌رمیانیش ده‌ڵێت: یه‌كێك له‌و پرۆژانه دوسایدكردنى رێگه‌ى كه‌لار- سلێمانیه.
عومه‌ر وه‌لى، به‌ڕێوبه‌رى به‌شى پلاندان و به‌دواداچون له ئیداره‌ى گه‌رمیان، له‌مباره‌یه‌وه به رادیۆى ده‌نگى وت: "له سنورى گه‌رمیان له كۆى 110 پرۆژه ته‌نها 6 پرۆژه له كاردان، ئه‌وانیش ناوبه‌ناو كارده‌كه‌ن به‌هۆى خه‌رج نه‌كردنى پێشینه‌ى به‌ڵێنده‌ره‌وه".
هێماى بۆ ئه‌وه‌شكرد: پرۆژه‌كا كارتێدا كراوه‌كانیش بریتین له: دوسایدی رێگه‌ى كه‌لار- سلێمانى، دوسایدی رێگه‌ى كه‌لار- كفرى، پرۆژه‌یه‌كى كاره‌با، پرۆژه‌ى ئاودێرى و به‌نداوى توڕه جاڕ، پرۆژه‌یه‌كى ناحیه‌ى مه‌یدان و پرۆژه‌یه‌كى ده‌روازه‌ى په‌روێزخانه.