دەنگ نێت
بەپێی نوسراوێک، دادگای لێکۆڵینەوەی دەستپاکی گەرمیان فەرمانی دەستگیرکردنی بۆ بەرپرسی لیژنەی ئەمنی کەلار دەرکردوە.
لە نوسراوەکەدا کە تایبەت وێنەی دەست رادیۆی دەنگ کەوتوە و ئاراستەی هێزە ئەمنییەکان کراوە، داوای دەستگیرکردنی (ئاکۆ عومەر عەبدولقادر)، بەرپرسی لیژنەی ئەمنی کەلار دەکات بە پێی مادەی ٣٠٧ لە یاسای سزادانی عێراقی.
ئەمەش دوای ئەوە دێت کە لە چەند رۆژی رابردودا ژمارەیەک هاوڵاتی بە تۆمەتی رێگەدان و ئاسانکاریی بە زیادەڕەوی باخ و زەویە کشتوکاڵیەکانی گەرمیان دەستگیر کران کە یەكێک لەوانە پاسەوانی بەرپرسی لیژنەی ئەمنی کەلارە کە بە پۆلیسی شارەوانییەکانی گەرمیانیش ناودەبرێت.