ئاسایشی گەرمیان: ئەفسەرێکی دژە تیرۆر لە کارمەندێکمانی داوە

2022/09/04 - 12:05 | 1205 جار بینراوە    
 
دەنگ نێت
 
لێپرسراوى به‌شى بازگه‌كان له‌ ئاسایشی گه‌رمیان ده‌ڵێت: له‌لایه‌ن ئه‌فسه‌رێكى دژه‌ تیرۆره‌وه‌ له‌ بازگه‌ى بانی خێلان له‌ كارمه‌ندێكمان دراوه‌، ده‌شڵێت: تاوه‌كو ئێستا سكاڵامان تۆمارنه‌كردوه‌ و چاوه‌ڕوانى فەرمانی به‌ڕێوبه‌رى ئاسایشى گه‌رمیانین. 
 
هه‌ڤاڵ ره‌شید، لێپرسراوى بازگه‌كانى ئاسایشی گه‌رمیان، له‌مباره‌یه‌وه‌ بۆ رادیۆى ده‌نگ وتی: ئه‌فسه‌رى دژه‌ تیرۆر (گۆران به‌رزان) له‌ سلێمانیه‌وه‌ گه‌ڕاوه‌ته‌وه‌ بۆ كه‌لار و كارمه‌ندێکمان لە بازگەی بانی خێڵان کە لە ئەرکدا بوە نه‌یناسیوته‌وه‌ و پرسیاری لێکردوە، ئیتر گرژییه‌ك دروست بوه‌ له‌ نێوانیاندا و ئەفسەرەکە و پاسەوانەکانی دابه‌زیون و داویانه‌ له‌ كارمه‌نده‌كه‌ى ئێمه‌.
 
وتیشى: تاوه‌كو ئێستا سكاڵامان تۆمار نه‌كردوە‌ و چاوه‌ڕوانى بڕیارى به‌ڕێوبه‌رى ئاسایشى گه‌رمیانین بۆ ئه‌و مه‌به‌سته‌.
 
رادیۆی دەنگ نەیتوانی لێدوانی ئه‌فسه‌رى دژه‌ تیرۆر (گۆران به‌رزان) وەربگرێت لەسەر روداوەکە، پاش ئەوەی پەیوەندی بە ناوبراوەوە کرد و پەیوەندیەکەی بەردەست نەبو.
 
گۆران بەرزان،  پێشتر بەرپرسی نوسینگەی گەرمیانی دەزگای زانیاری بو و لەسەر باڵی لاهور شێخ جەنگی هاوسەرۆکی پێشوی یەکێتی هەژمار کرا و بەوهۆیەشەوە ماوەیەک دەستبەسەر بو و دواتر ئازاد کرا.
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,690     ژمارەی میوان 658