به‌هۆى سكچون و رشانه‌وه‌ له‌ گه‌رمیان 5 هاوڵاتى گیانیان له‌ده‌ست داوه‌

2022/08/31 - 04:55 | 85 جار بینراوە    
 
ده‌نگ نێت
 
له‌ ماوه‌ى 3 مانگدا له‌ گه‌رمیان زیاتر له‌ 500 حاڵه‌تى سكچون و رشانه‌وه‌ له‌ گه‌رمیان تۆمار كراوه‌، به‌رپرسێكى ته‌ندروستیش ده‌ڵێت: تاوه‌كو ئێستا 5 هاوڵاتى به‌و هۆیه‌وه‌ گیانیان له‌ده‌ست داوه‌. 
 
عه‌دنان زه‌هاوى، سه‌رپه‌رشتیارى ئیداری به‌شى نه‌خۆشخانه‌ى قه‌ڵا له‌ كه‌لار له‌مباره‌یه‌وه‌ بۆ رادیۆى ده‌نگ وتى: "له‌ ماوه‌ى 3 مانگدا له‌ گه‌رمیان 560 بۆ 600 حاڵه‌تى سكچون و رشانه‌وه‌ له‌ گه‌رمیان داخڵ به‌ نه‌خۆشخان بون و تۆمار كراوه‌، له‌و رێژه‌یه‌ش تاوه‌كو ئێستا 5 هاوڵاتى گیانیان له‌ ده‌ست داوه‌". 
 
وتیشى: هه‌ر له‌و ماوه‌یه‌دا 400 پشكنینى كۆلێراش كراوه‌، به‌پێى ئه‌و پشكنینه‌ى كه‌ بۆمان گه‌ڕاوه‌ته‌وه‌ له‌ سلێمانى كه‌ تاقیگه‌ى مه‌ركه‌زیمان نیه‌ له‌ گه‌رمیاندا، 2 حاڵه‌تى كۆلێرا تۆمار كراوه‌. 
 
باسى له‌وه‌شكرد: 25 هه‌زار پشكنین بۆ ئه‌و نه‌خۆشانه‌ كراوه‌ كه‌ داخڵ به‌ نه‌خۆشخانه‌كه‌ بون.
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 836,791     ژمارەی میوان 41