سه‌رچاوه‌یه‌كى ئه‌منی: رون بوه‌ته‌وه‌ كه‌ روداوى كوشتنه‌كه‌ى دوێنێی كفری تیرۆری سیاسیه‌

2022/08/29 - 11:04 | 225 جار بینراوە    
 
ده‌نگ نێت
 
سه‌رچاوه‌یه‌كى ئه‌منى رایده‌گه‌یه‌نێت كوشتنى كادیره‌كه‌ى ته‌ڤگه‌رى ئازادى له‌ به‌رده‌م ماڵه‌كه‌ى خۆیدا له‌ كفرى سیاسیه‌ نه‌ك كۆمه‌ڵایه‌تى. 
 
نیوەڕۆی دوێنێ، سهێل خورشید عەزیز، لەدایکبوی ١٩٦٠ و فەرمانبەر لە کشتوکاڵی کفری، کە هاوکات کادیری تەڤگەری ئازادی نزیک لە پەکەکەیە و نوسەر و لێکۆڵەری بواری مێژو و جوگرافیای گەرمیان و کەرکوکە، لەبەردەم ماڵەکەی خۆی لە کفری بە دەستڕێژی گولە کوژرا. 
 
دوابه‌دواى روداوه‌كه‌، جومعە کەریم، ئەندامی ئەنجومەنی تەڤگەری ئازادیی لە گەرمیان، بە رادیۆی دەنگی وت: گومان دەکەن کارێکی تیرۆرستی بێت، هاوكات جه‌ختى له‌وه‌شكرده‌وه‌، هیچ كێشه‌یه‌كى كۆمه‌ڵایه‌تى له‌گه‌ڵ كه‌سدا نه‌بوه‌"  
 
له‌ به‌رامبه‌ردا، سه‌رچاوه‌یه‌كى ئه‌منى كه‌ نه‌یویست ئاماژه‌ به‌ ناوى بكرێت، به‌ رادیۆى ده‌نگى راگه‌یاند: "كوشتنى ئه‌و كادیره‌ى ته‌ڤگه‌رى ئازداى كرده‌یه‌كى تیرۆره‌ و كێشه‌كه‌ش سیاسیه‌ نه‌ك كۆمه‌ڵایه‌تى". 
 
بۆ وه‌رگرتنى دواین زانیارى له‌سه‌ر ئه‌و دۆسیه‌ رادیۆى ده‌نگ  په‌یوه‌ندى به‌ عه‌لى جه‌مال قه‌دورى، وته‌بێژى به‌ڕێوبه‌رایه‌تى پۆلیسى گه‌رمیانه‌وه‌ كرد و رایگه‌یاند: تاوه‌كو ئێستا هیچ كه‌سێك له‌سه‌ر ئه‌و دۆسیه‌ ده‌ستگیرنه‌كراوه‌، هاوكات هۆكارى روداوه‌كه‌ش رون نه‌بونه‌ته‌وه‌ و لێكۆڵینه‌وه‌ له‌ دۆسیه‌كه‌ به‌رده‌وامى هه‌یه‌. 
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 836,820     ژمارەی میوان 33