دەنگ نێت
هێزێکی کۆماندۆ نێردراوەتەوە دەروازی پەروێزخان و وتەبێژی دەروازەکەش دەڵێت: ئێمە لەوە بەرپرس نین و هیچ پەیەندیەکیان بەئێمەوە نیە.
لە ماوەی پێشوتردا رادیۆی دەنگ ڤیدیۆی دانانی بنکەیەکی هێزی کۆماندۆی یەکێتی لە مەرزی پەروێزخان بڵاوکردەوە. بەپێی زانیاریەکانی رادیۆی دەنگ، هێزەکەی کۆماندۆ لە نزیک مەرزەکە جێگیر کراوە و بازگەیان داناوە و باس لەوەش دەکرێت پشکنینی ئۆتۆمبیلیان کردوە.
وتەبێژی دەروازەی پەروێزخان لەمبارەیەوە بێ ئاگایی خۆیانی خستەڕو و وتی: "ئەو بابەتە پەیوەندی بە ئێمەوە نیە".
شەرمین عەلی، بۆ رادیۆی دەنگ وتیشی: ئێمە بەرپرسین لەوەی کە لەنێو خودی دەروازەکە هەیە، ئەوەی لەدەرەوەی ئەو بابەتە بێت پەیوەندی بەئێمەوە نیە.