هۆشداری لە وەستانی پڕۆژەی رێگای کەلار- دەربەندیخان دەدرێت

2022/08/23 - 02:37 | 164 جار بینراوە    
 
دەنگ نێت
 
کۆمپانیای جێبەجێکاری پڕۆژەی رێگای کەلار- دەربەندیخان جارێکی دیکە هۆشداری لە راوەستانی کارەکانیان دەدات و دەڵێت: لە سەری مانگەوە بڕەپارەکەمان زیاد نەکەن، کارەکانمان رادەگرین.
 
عوسمان حەمە سەعید، خاوەنی کۆمپانیای بێشکانی جێبەجێکاری پڕۆژەی دوسایدیی رێگای کەلار- دەربەندیخان، دوای دەست پێکردنەوەی کارەکانیان، بۆ رادیۆی دەنگ دەڵێت: تاوەکو ئێستا ٤ سولفەی ٢٠٠ ملیۆن دیناریمان بۆ خەرج کراوە، بەڵام ئەمە شایستەی دارایی پارساڵی خۆمانە کە زیاتر لە یەک ملیارمان لای حکومەتە.
 
وتیشی: بەمجۆرە ناتوانین درێژە بەکارکردن بدەین، رێگاکە پێویستی بە ١٠٠ ملیۆن دینارە بۆ رۆژێکی کارکردن نەوەک هەفتەی ٢٠٠ ملیۆن، ئێمە چیتر بەوە رازی نابین و پڕۆژەکە دەچێتە هەندێک قۆناغی دیکەوە.
 
هاوکات باسی لەوەکرد بەکۆتایی هاتنی ئەم مانگە، چیتر بەردوام نابن لە کارکردن ئەگەر مانگانە سێ ملیار دیناریان بۆ خەرج نەکرێت، وتی: “ئەمەشمان بە بانکی سلێمانیش وتوە”.
 
پرۆژەی دوسایدی رێگای کەلار- دەربەندیخان، پاش وەستانی لە مانگی ئاداری ئەمساڵەوە، بە دەستپێشخەریی ئەندامانی پارلەمان و ئەنجومەنی پارێزگای سلێمانی، کۆمپانیای جێبەجێکار لە سەرەتای ئەم مانگەوە دەستی بەکارکردن کردەوە، بەو مەرجەی هەفتەی ٢٠٠ ملیۆن دیناریان بۆ خەرج بکرێت بە مەبەستی پاکتاوکردنی ئەو قەرز و شایستەیانەی کۆمپانیاکە هەیەتی لەسەر حکومەت.
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 836,851     ژمارەی میوان 36