پرۆژەی یەکەی نیشتەجێبونەکەی کفری کەمتر لە ٣٠ فۆرمی لێ فرۆشراوە

2022/08/16 - 11:20 | 257 جار بینراوە    
 
دەنگ نێت
 
بەڕێوبەری وەبەرهێنانی گەرمیان دەڵێت: پرۆژەی نیشتەجێبونی ئاسکی کفری لە قەزای کفری، تەنها  لەنێوان ١٥-٣٠ فۆرمی لێ فرۆشراوە لە کۆی هەزار فۆرم، چالاکوانێکیش دەڵێت: هۆکارەکە گرانی نرخەکەیەتی.
 
بە وتەی هونەر مەحمود، بەڕێوبەری وەبەرهێنانی گەرمیان؛ کە بۆ رادیۆی دەنگ قسەی کرد، ماوەی ساڵێکە نزیکەی هەزار فۆرمی پرۆژەی یەکەی نیشتەجێبونی ئاسکی کفری دابەش کراوە، بەڵام هاوڵاتیان وەکپێویست بە دەمییەوە نەهاتون و لەکۆی هەزار فۆرم، لەنێوان ١٥-٣٠ فۆرمی گەڕاوەتەوە.
 
لەبەرامبەردا، عوسمان قەتارچی، چالاکوان لە قەزای کفری، بۆ رادیۆی دەنگ وتی: خانویەک لەناوەڕاستی کفری نرخی زۆر کەمترە لە خانویەکی ئەو پرۆژەیە، بۆیە خەڵکی کفری بەدەمیەوە ناچن.
 
پرۆژەکەی یەکەی نیشتەجێبونی ئاسکی کفری، لە هەزار یەکەی نیشتەجێبون پێکدێت و لەلایەن کۆمپانیانی خاکی عەفرینەوە جێبەجێ دەکرێت و نرخی هەر یەکەیەکی لە ٤٩٠٠٠ دۆلارەوە (٤٩٠ گەڵا) دەستپێدەکات بۆ ٥٩٠٠٠ دۆلار (٥٩٠ گەڵا).



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 846,962     ژمارەی میوان 50