ده‌نگ نێت
لێپرسراوێكى به‌ڕێوبه‌رایه‌تى نه‌وت و كانزاكانى گه‌رمیان ئاشكراى ده‌كات ناوچه‌كه رۆژانه پێویستى به نزیكه‌ى 100 هه‌زار لیتر به‌نزینه.
سالار مه‌حمود، لێپرسراوى به‌رهه‌مه نه‌وتیه‌كان له به‌ڕێوبه‌رایه‌تى نه‌وت و كانزاكانى گه‌رمیان، بۆ رادیۆى ده‌نگ ده‌ڵێت: "به‌پێى ئه‌و ئاماره‌ى له به‌رده‌ستى ئێمه‌دایه، سنورى گه‌رمیان رۆژانه پێویستى به 75 بۆ 80 هه‌زار لیتر به‌نزینه".
هێماى بۆ ئه‌وه‌شكرد: به‌ڵام ئه‌گه‌ر به‌نزینخانه بێمۆڵه‌ته‌كان و ئه‌وانه‌شى كه له‌سه‌ر جاده‌ن و به جلیكان بانزین ده‌فرۆشن هه‌ژمار بكه‌ین، ئه‌وا گه‌رمیان به كۆى گشتى پێویستى به 100 هه‌زار لیتر به‌نزینى رۆژانه هه‌یه.