دەنگ نێت
فەرمانگەی میدیا و زانیاری ئەنجومەنی وەزیرانی هەرێم دەڵێت پرۆژەی رێگای کەلار - دەربەندیخان بەردەوامە، لەکاتێکدا چوار مانگ زیاترە پرۆژەکە کارکردن تیایدا راگیراوە.
پەیجی فەرمانگەی میدیا و زانیاری ئەنجومەنی وەزیرانی هەرێم لە فەیسبوک لە بڵاوکراوەیەکدا کە ئەمڕۆ بڵاویکردوەتەوە دەڵێت: “بەردەوامی کارکردن لە ڕێگای دووسایدی کەلار – دەربەندیخان... بەهۆی هاتووچۆی بازرگانی و گەشتیاریی یەکێکە لە ڕێگا ستراتیژییەکانی سنووری ئیدارەی گەرمیان”.
باس لەوەشدەکات پرۆژەکە “41 کیلۆمەتر درێژە و %55ـی کارەکانی تەواو بووە و زیاتر لە 137 ملیار دیناری تێدەچێت و 18 پردی دووساید لەخۆدەگرێت”.
ئەمەش لەکاتێکدایە پرۆژەکە لە مانگی ئاداری ئەمساڵەوە کارکردن تیایدا لەلایەن کۆمپانیای جێبەجێکارەوە راگیراوە، ئەویش بەهۆی خەرجنەکردنی سولفەی پڕۆژەکەوە.