دەنگ نێت
دادوەر: ئەکرەم فەرەج، سەرۆکی دادگای تێهەڵچونەوەی کەرکوک/گەرمیان خانەنشین دەبێت و دادوەر: د. ئاوات عومەر، جێگەی دەگرێتەوە.
بەپێی زانیارییەکانی رادیۆی دەنگ، دادوەر: د. ئاوات عومەر، کە ئێستا دادوەری لێکۆڵینەوەی ئاسایشی سلێمانییە، دەستنیشانکراوە بۆ جێگرتنەوەی دادوەر: ئەکرەم فەرەج، بۆ سەرۆکایەتیکردنی دادگای تێهەڵچونەوەی کەرکوک/ گەرمیان.
دادوەر ئەکرەم فەرەج، لە سەرەتای مانگی داهاتو خانەنشین دەبێت بە هۆی تەواوکردنی تەمەنی وەزیفی و یاساییەوە.
دادوەر: ئاوات عومەر قادر، چەند ساڵێکە وەکو دادوەر لە سنوری دادگای تێهەڵچونەوەی سلێمانی کاردەکات و دوا کاریشی دادوەری لێکۆڵینەوەی ئاسایش بوە، بڕوانامەی دکتۆرای لە یاسادا هەیە و مامۆستای وانەبێژی یاسایە لە زانکۆی جیهان لە سلێمانی.