ده‌نگ نێت
لە بارەی کۆبونەوەی نێوان سەرۆکی یەکێتی نیشتمانی کوردستان و سەرۆکی پارتی دیموکراتی كوردستان، ئەندامێکی مەکتەب سیاسی یەکێتی زانیاری دەخاتەڕو و ده‌ڵێت: سه‌ره‌تا ده‌بێت دۆخه‌كه هێور بكرێته‌وه.
لە ماوەی پێشوتردا، سکرتێری مەکتەبی سیاسی پارتی، فازڵ میرانی بەدەنگی ئەمریکای راگەیاندبو: سەرۆکی حزبەکەیان لەگەڵ سەرۆکی یەکێتی کۆنابێتەوە، ئه‌گەر کۆبونەوەیەک بکرێت لە ئاستی مام و برازا دەبێت.
ستران عه‌بدوڵڵا، ئەندامی مەکتەبی سیاسی یەکێتی نیشتمانى، لە بەرامبەر هەبونی کۆبونەوەیەکی لەو جۆرە، لە بەرنامەی (گفتوگۆی دەنگ)ى رادیۆی ده‌نگ دا ئاماژه‌ى به‌وه‌كرد: ئەوە شتێکی چاوەڕوانکراوە، چونکە هەردو لایەن رێگای یەکدی شارەزان بۆ ئەنجامدانی کۆبونەوەیەکی لەو چەشنە.
دەشڵێت: سه‌ره‌تا ده‌بێت گرژیەکانی نێوان هەردولا هێور بکرێنەوە و کۆبونەوە لەنێوان هەردولا ئەنجام بدرێت، کە ئەمە زەمینەسازیەكى گونجاوتر دەبێت بۆ نزیکبونەوەکانی دیکە.