ده‌نگ نێت
تاوەکو ئێستا پاش زیاتر لە دو مانگ دانیشتنەکانی پەرلەمانی کوردستان دەستی پێنەکردوه‌تەوە، سەرۆکی فراکسیۆنی یەکگرتوی ئیسلامیش لەپەرلەمانی کورستان کاتی دانیشتنی فراکسیۆنەکان و بەرنامەی دانیشتنەکەیان ئاشکرا دەکات.
هەرچەندە پێشوتر سەرۆکی فراکسیۆنی گۆڕان لەپەرلەمانی کورستان، گوڵستان سەعید بە رادیۆی ده‌نگی راگەیاند: رۆژی چوارشەمه (18ـى ئایار) کۆبونەوەی سەرۆکی فراکسیۆنەکان لە پەرلەمانی کوردستان بەڕێوەدەچێت، بەڵام کۆبونەوەكه ئەنجام نەدرا.
لەمبارەیەوە سەرۆکی فراکسیۆنی یەکگرتوی ئیسلامی لەپەرلەمانی کوردستان، شێركۆ جه‌وده‌ت، بە رادیۆی دەنگی وت: بۆ کۆبونەوەی سەرۆکی سەرجەم فراکسیۆنەکان لەلایەن سکرتێری پەرلەمانەوە ئاگادار کراوینەتەوە کە کۆبونەوەکە رۆژی سێشەمەی داهاتو (24ـى ئایار) بەرێوەدەچێت.
لەبارەی پرسی کۆبونەوەکەیان باسی لەوە کرد: گفتوگۆی دانیشتنەکە لەسەر پرسی دوبارە کاراکردنەوەی دانیشتەکانی پەرلەمانی کوردستان دەبێت.