فه‌رمانده‌یه‌كى پێشمه‌رگه‌ باس له‌ جموجۆڵی داعش له‌ سنورى كفری ده‌كات

2022/03/27 - 10:47 | 366 جار بینراوە    
 
ده‌نگ نێت
 
فه‌رمانده‌یه‌كى پێشمه‌رگه‌ باس له‌وه‌ده‌كات چه‌كدارانى داعش ناوه‌ناو له‌ سنوره‌كانى نێوان قه‌زاكانى كفری و خورماتو جموجۆڵیان هه‌یه‌، ئه‌وانیش به‌رده‌وام چاودێریی دۆخه‌كه‌ ده‌كه‌ن.
 
جەمال وارانی، فەرماندەی لیوای 144ـی پێشمەرگە، بە رادیۆی دەنگی راگەیاند: هەرچەندە بەردەوام هێزەکانی پێشمەرگە کێوماڵی ئەو ناوچانە دەکەن، بەڵام هێشتا ناوبەناو چەکدارانی داعش لە سنورى نێوان كفری و خورماتو جموجۆڵیان هەیە و هێرش دەکەن.
 
ئه‌م وتانه‌ش دواى ئه‌وه‌ هات كه‌ دو چه‌كدار كه‌ گومان ده‌كرێت داعش بن، په‌لامارى دو شوانیان داوه‌ له‌ سنورى گوندی دوڕاجی.
 
به‌وته‌ى فه‌رمانده‌كه‌ى پێشمه‌رگه‌، روداوه‌كه‌ به‌شێوه‌یه‌ك بوه‌ كه‌ دو شوان ئاژەڵەکانیان بۆ لەوەڕاندن بردوەتە ئەو ناوچانەی لە قوڵایی ئەو شوێنانەن کە گومان دەکرێت چەکداری داعشی لێبێت، له‌وێ دو چەکدار بە ماتۆڕسکیل هێرشیان کردوەتە سەریان و ئەوانیش تەقەیان لێکردون و چه‌كداره‌كان دوركه‌وتونه‌ته‌وه‌.
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,847     ژمارەی میوان 556