به‌رپرسێك زانیاری لەسەر داهاتی گومرکی ده‌روازەکانی گەرمیان دەدات

2022/03/15 - 03:12 | 302 جار بینراوە    
 
ده‌نگ نێت
 
لە بارەی کەمبونەوەی داهاتی خاڵە سنوریەکانەوە، ئەندامێکی ئەنجومەنی پارێزگای سلێمانی دەڵێت: تەنها داهاتی گومرکی دەروازەی پەروێزخان  مانگانە زیاتر لە 20 ملیارە.
 
لەماوەی پێشوتردا چەندین پارله‌مانتارى کوردستان ئەوەیان خستەڕو هیچ داهاتێکى گومركی بۆ مانگی شوبات نەگەڕاوەتەوە بۆلای حكومه‌ت.
 
لەبەرامبەریشدا، کەریم عەلی، ئەندامی ئەنجومەنی پارێزگای سلێمانی، بە رادیۆی دەنگی راگەیاند: بەداواداچون بۆ گرفتی داهاتی دەروازە سنوریەکان و گومرک دەکەین، به‌پێی زانیارییه‌كانمان تەنها داهاتی گومرکی دەروازەی  پەروێزخان  بۆ مانگی (1 و 2)ـى ئه‌مساڵ 25 ملیار بوە. 
 
لایخۆشیه‌وه‌ به‌ڕێوبه‌رى گومركی گه‌رمیان، هیچ داتایه‌كى له‌باره‌ى داهاتى مه‌رزی په‌روێزخانه‌وه‌ نه‌خسته‌ڕو.
 
هێمن نوری، بە رادیۆی دەنگی وت: هیچ ئامارێکیان لانیە و نازانین داهات چەند بوە.
 
وتیشی: دەتوانم بڵێم داهاتی گومرک لەو دەروازەیە تەنها  لە سەرەتای ئەم مانگە بە بەراورد بە مانگەکانی پێشو، 3 ملیار زیادی کردوە.
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,190     ژمارەی میوان 338