رێكخراوه‌كانى ئه‌نفال 3 داواكارى ئاراسته‌ى حكومه‌ت ده‌كه‌ن

2022/03/01 - 03:17 | 323 جار بینراوە    
 
ده‌نگ نێت
 
رێکخراوەکانی ئەنفال ٣ داواکاری دەخەنەڕو، لەنێوی دا ئامادەبونی دادگای تاوانی نێودەوڵەتی لە پرۆسەی دەرھێنانی روفاتی قوربانیانی ئەنفال. 
 
لە کۆنگرەیەکی رۆژنامەوانی دا لە ناحیەی رزگاری سەر بە کەلار، ئەمڕۆ ٦٢ رێکخراو و کەسایەتی، یاداشتێکیان پێشکەش کرد، تیایدا داوا دەکەن بۆ هەڵدانەوەی هەر گۆڕێكی بەكۆمەڵی ئەنفالکراوان، بانگێشتی نوێنەری دادگای تاوانی نێودەوڵەتی، ڕێكخراوە نێودەوڵەتییەكانی بواری جینۆساید و مافی مرۆڤ و توێژەران و رۆژنامەنوسان و فیلمسازان بکرێت، بەمەستی کەڵک لێوەرگرتنی وەکو بەڵگەی جینۆساید. 
 
ھەروەک داواش دەکەن پزیشكی دادوەری عێراقی سامپلی ئێسك لەسەرجەم شەهیدانی ئەنفالكراو وەربگرێت و بۆ ئەم مەبەستەش تیمی تایبەت لە شار و ناوچەکان پێکبھێنرێت.
 
سێیەم داواکاریشیان تایبەتە بە پاراستنی مۆنۆمێنتەکانی جینۆساید و دروستکردنی مۆنۆمێنت و سەنتەرێکی تایبەت بە جینۆساید لە گەرمیان.
 
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 847,134     ژمارەی میوان 51