بریندارێكى ‌خۆپیشاندانه‌كانى شوبات: دواى 11 ساڵ به‌داخه‌وه‌ دۆخه‌كه‌ خراپتر بوه‌

2022/02/17 - 03:15 | 236 جار بینراوە    
 
ده‌نگ نێت
 
یازدە ساڵ به‌سه‌ر خۆپیشاندانی 17 شوبات دا تێده‌په‌ڕێت، كه‌ زنجیره‌یه‌ك خۆپیشاندانى ترى له‌ ناوچه‌كانى هه‌رێمى كوردستان به‌دواداهات، بریندارێکی ئەو خۆپێشاندانانه‌ش دەڵیت: ئێستا دۆخەکە خراپتر بووه‌.
 
ئەمڕۆ 11 ساڵ بەسەر خۆپیشاندانی 17 شوباتى ساڵی 2011ـى شاری سلێمانى دا تێپەڕ دەبێت کە ماوەی 60 رۆژی خایاند، هاوکات 10 کەسیشی تێدا بونه‌ قوربانى و ده‌یانى تریش بریندار بون.
 
هاوکار محه‌مه‌د، بریندارێکی ئەو خۆپێشاندانانه‌یه‌ و دانیشتووی قەزای کەلارە، نیگه‌رانه‌ له‌وه‌ى كه‌ ئامانجی خۆپیشاندانه‌كه‌یان به‌دیی نه‌هاتوه‌.
 
ئه‌و بۆ رادیۆی ده‌نگ باسی لەوە کرد: بەئامانجی گۆڕانکاری و باشتربوونی دۆخی هاوڵاتیان بەشداریمان لە خۆپێشاندانەکان کرد، بەڵام ئێستا دۆخەکە  لە هەمو رویەکەوە خراپتر بوه‌.
 
وتیشی: خۆپیشاندا ئەوەنده‌ى بۆ سودی تایبه‌ت بەکار هاتوە، لە سودی گشتیدا نه‌شكاوه‌ته‌وه‌.  
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 847,028     ژمارەی میوان 51