رێكخراوه‌كان داواى ئه‌نجامدانى هه‌ڵبژاردنى پارله‌مانى هه‌رێم ده‌كه‌ن له‌ واده‌ى خۆی دا

2022/02/16 - 01:41 | 332 جار بینراوە    
 
ده‌نگ نێت
 
37 رێكخراوى كۆمه‌ڵی مه‌ده‌نى له‌ سه‌رتاسه‌رى هه‌رێمى كوردستان، له‌ یاداشتێكدا داوا ده‌كه‌ن هه‌ڵبژاردنى پارله‌مانى كوردان له‌ واده‌ى خۆی دا به‌ڕێوه‌بچێت.
 
ئه‌و رێكخراوانه‌ له‌ یاداشته‌كه‌یان كه‌ ئاراسته‌ى پارله‌مان و حكومه‌ت و سه‌رۆكایه‌تى هه‌رێم و نوێنه‌رایه‌تى وڵاتان و نه‌ته‌وه‌یه‌كگرتوه‌كانیان كردوه‌، باس له‌وه‌ده‌كه‌ن هه‌ر پێنج خوله‌كه‌ى هه‌ڵبژاردنى پارله‌مانى كوردستان له‌واده‌ى خۆیدا نه‌كراوه‌ و دواكه‌وتوه‌، كه‌ ئه‌مه‌ش پێچه‌وانه‌ى یاسا كارپێكراوه‌كانه‌.
 
داواش ده‌كه‌ن كه‌ هه‌ڵبژاردنى خولی شه‌شه‌مى پارله‌مانى كوردستان كه‌ بڕیاره‌ ئه‌مساڵ به‌ڕێوه‌بچێت، له‌كاتى خۆی دا ئه‌نجام بدرێت و فه‌رمانى هه‌رێمی بۆ ئه‌نجامدانى هه‌ڵبژاردنه‌كه‌ له‌واده‌ى خۆیدا له‌لایه‌ن سه‌رۆكایه‌تى هه‌رێمه‌وه‌ ده‌ربكرێت و كۆمیسیۆن رابسپێرێت بۆ ئاماده‌كارییكردن بۆ هه‌ڵبژاردنه‌كه‌.
 
ترسی خۆشیان ده‌خه‌نه‌ڕو كه‌ به‌ پاساوى ئاماده‌نه‌بونى كۆمیسیۆن بۆ پرۆسه‌كه‌ و چۆڵبونى دو كورسی ئه‌نجومه‌نى كۆمیسیاران پرۆسه‌كه‌ دوابخرێت، له‌كاتێكدا به‌وته‌ى خۆیان ئه‌نجامدانى پرۆسه‌كه‌ كارێكى ئه‌وه‌نه‌ قورس نیه‌ و ته‌نها ئیراده‌ى پێویسته‌.
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 847,113     ژمارەی میوان 47