ده‌رمان له‌ نه‌خۆشخانه‌كانى گه‌رمیان كه‌م ده‌بێته‌وه‌

2022/01/05 - 04:16 | 126 جار بینراوە    
 
ده‌نگ نێت 
 
هەردو نەخۆشخانەی گشتی  کەلار و کفری روبەڕوی گرفتی کەمی دەرمان دەبنەوە و بەڕێوبەری گشتی تەندروستی گەرمیانیش دەڵیت:  لە نێو نەخۆشخانەکان و مەڵبەندەکانی تەندروستیش گرفتمان هەیە.
 
لە بارەی کەمبونەوەی رێژەی دەرمان لە نەخۆشخانەکانی هەردو قەزای کەلار و کفری، د.سیروان محەمەد، بەڕێوبەری گشتی تەندروستی گەرمیان بە رادیۆی دەنگی راگەیاند: ٦٤ جۆری دەرمان بۆ نەخۆشانی درێژخایەن لە نێو نەخۆشخانەی گشتی کەلاردا نەماوە.
 
وتیشی: بەشێکی زۆری مەڵبەندەکانی تەندروستی دەرمانی  پێویستی ئەم وەرزەیان تێدا نەماوە و کەرەستەکانی نەشتەرگەریش بەرەو کەمبونەوەی یەکجاری دەچن.
 
ئەوەشی خستەڕو: داوایان كردوه‌ پێداویستیەکانیان لە ماوەی کەمتر لە دو هەفتە بۆدابین بکه‌ن.
 
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 500,242     ژمارەی میوان 17