ده‌نگ نێت
رێژه‌ى هه‌ڵاوسان له توركیا به‌رزترین ئاستى له‌ماوه‌ى 19 ساڵ دا تۆمار كردوه، به‌مه‌ش هێنده‌ى تر دۆخى ئابوری ئه‌و وڵاته خراپتر ده‌كات.
نرخ له توركیا له مانگى رابردو "دیسه‌مبه‌ر" به رێژه‌ى 36% زیادیكرد، ئه‌مه‌ش بارگرانى زیاتری له‌سه‌ر داهاتى خێزانه‌كانى ئه‌و وڵاته دروستكرد، هۆكارى ئه‌مه‌ش ده‌گه‌ڕێته‌وه بۆ دابه‌زینی به‌رچاوى نرخی دراوی ئه‌و وڵاته كه له‌ماوه‌ى دو ساڵدا نزیكه‌ى 45%ى نرخی خۆی به‌رامبه‌ر به دۆلار له‌ده‌ستداوه.
له‌گه‌ڵ ئه‌م دابه‌زینه له نرخی دراوی ناوخۆیی، نرخی كه‌ره‌سته و شمه‌كه‌كان گرانتر بون، ئه‌مه‌ش بارگرانى زۆری بۆ خێزانه‌كان دروست كردوه.
هۆكارى ئه‌م دابه‌زین و خراپبونه‌ى دۆخی دارایی توركیاش، سیاسیه‌ته‌كانى سه‌رۆكى وڵاته‌كه (ئه‌ردۆگان)ـه كه ئه‌و سیاسه‌تانه‌ى بون به هۆكارى ئه‌وه‌ى نرخی لیره هێنده‌ى تر بێته خواره‌وه.
ئۆزڵم دیرشی شینگوڵ، شاره‌زای بواری ئابوری، پێشبینی ده‌كات كه ئه‌گه‌ر رێكاری به‌په‌له نه‌گیرێته‌به‌ر، رێژه‌ى هاڵاوسان له به‌هاردا ده‌گاته سه‌روى 50%.