چەند زانیارییەک لەبارەی جۆرە نوێیەکەی ڤایرۆسی کۆرۆنا

2021/12/01 - 09:46 | 193 جار بینراوە    
 
دەنگ نێت
 
جۆرە نوێیەکەی ڤایرۆسی کۆرۆنا 'ئۆمیکرۆن'، ناوی زانستیی [B.1.1.529]ـە و بەوە ناسراوە کە بازدانێکی جینی زۆری بەسەرھاتوە بەراود بە جۆرەکانی تر، زیاتر لە ٥٠ بازدان لە تەواوی جینەکان و ٣٢ بازدان تەنھا لە بەرگە پرۆتینی ڤایرۆسەکە.
 
لە سەرەتاکانی مانگی تەشرینی دوەم Omicron لە ئەفریقای باشور دەستنیشان کراوە و لە ٢٤ی تشرینی دوەم رێکخراوی تەندروستی جیھانی WHO بە فەرمی ئەم جۆرەی ناساند، چونکە بە خێراییەکی زۆر بڵاو دەبێتەوە و لە ئێستادا نزیکەی 90٪ـی حاڵەتەکان لەو جۆرەیە لەو وڵاتە.
 
حـاڵەتەکان پیشاندەری ئەوەن کە پێدەچێت ئەم جۆرەیان کاریگەرتر بێت، چونکە دەستنیشانکردنیان لە رێژەی حاڵەتەکانی دوبارەتوشبونەوە [Reinfection] زۆر خێراتر و زیاترە بەراود بە جۆری دەلتا و جۆرەکانی تر.
 
ئەو پزیشکەی یەکەم کەیسی دەستنیشانکرد، پزیشکێکی ژنە بە ناوی [Dr. Angelique Coetzee] و کەسەکە گەنجێکی تەمەن ٣٠ ساڵان بو کە نیشانەکانی بە سوکی لەسەر دەرکەوتبو، ئەو پزیشکە لە چاوپێکەوتنێکی لە گەڵ BBCـی بەریتانی وتی: پێویست بە دڵەڕاوکێی زۆر ناکات، بێگومان بن ئێستا لەم جۆرە لە شانشینی بەریتانیا ھەیە. 
 
رێکخراوی تەندروستی جیهانی WHO هانی ئەو وڵاتانە دەدات کە ئەم جۆرەیان تێدا بڵاو بوەتەوە بە داخڵکردنی داتاکانی توشبوان لە سایتی
 [WHO COVID-19 Clinical Data Platform]
بەمەبەستی وەرگرتنی زانیاری تەواو لەسەر نیشانەکانی ئەم جۆرە.
 
رێکخراوی WHO ئامۆژگاری خەڵکی بەوە دەکەن کە جگە لە وەرگرتنی ڤاکسین، هەروەها رێکارە تەندروستییەکان پەیڕەو بکەن بە بەستنی دەمامک، دوری نێوان تاکەکان و هەروەها دەستشتن و پاکوخاوێنی.
 
ئامادەکردنی: بەشی زانستی کیمیا لە زانکۆی گەرمیان
 
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 500,305     ژمارەی میوان 16