له‌گه‌رمیان به‌رپرسی حزبی پرۆژه‌ى حكومی ده‌كاته‌وه‌

2021/10/25 - 03:11 | 1185 جار بینراوە    
 
ده‌نگ نێت
 
به‌رپرسی مه‌ڵبه‌ندى گه‌رمیان پرۆژه‌یه‌كى كاره‌با له‌ گه‌رمیان ده‌كاته‌وه‌ و به‌ ده‌ستكه‌وتى حزبه‌كه‌ی ناوى ده‌بات، له‌كاتێكدا پرۆژه‌كه‌ حكومییه‌ و په‌یوه‌ندی به‌ حزبه‌وه‌ نیه‌.
 
پۆڵا سیروان تاڵه‌بانى، به‌رپرسی مه‌ڵبه‌ندى گه‌رمیانى یه‌كێتى نیشتمانى، له‌ په‌ڕه‌ى خۆی له‌ فه‌یسبوك، وێنه‌ و هه‌واڵی كردنه‌وه‌ى پرۆژه‌یه‌كى كاره‌بای بۆ چه‌ند گوندێكى گه‌رمیان بڵاوكردوه‌ته‌وه‌، له‌كاتێكدا پڕۆژه‌كه‌ حكومییه‌ و هیچ په‌یوه‌ندیه‌كى به‌ حزبه‌وه‌ نیه‌.
 
هاوكات هه‌ر له‌ مه‌راسیمی كردنه‌وه‌ى پرۆژه‌كه‌دا كه‌ به‌ڕێوبه‌رى گشتى كاره‌بای گه‌رمیان و قایمقامی كفری و به‌ڕێوبه‌رى ناحیه‌ى ئاوه‌سپی وه‌كو به‌رپرسانى حكومی تیایدا به‌شدار بون، به‌رپرسی مه‌ڵبه‌ندى گه‌رمیانى یه‌كێتى وته‌ى پێشكه‌شكردوه‌ و له‌ وته‌كه‌دا پرۆژه‌كه‌ى وه‌كو ده‌ستكه‌وتى خۆیان ناساندوه‌ و تویه‌تى: "له‌هه‌وڵه‌كانمان به‌رده‌وام ده‌بین بۆ گه‌یاندنى كاره‌با و خزمه‌ت و خزمه‌تگوزاری زیاتر بۆ گونده‌كانى دیكه‌".
 
ئه‌و پڕۆژه‌یه‌ى به‌رپرسی مه‌ڵبه‌ندى گه‌رمیانى یه‌كێتى به‌شدارى له‌ كردنه‌وه‌ى دا كردوه‌، بریتییه‌ له‌ گه‌یاندنى كاره‌باى نیشتمانى به‌ سێ گوندی گه‌رمیان كه‌ بریتین له‌: (سپی سه‌ر، به‌كره‌گه‌ڕ و حه‌سه‌ن پرچن)، رۆژى 15ى ئه‌م مانگه‌ حكومه‌تى هه‌رێم رایگه‌یاند ئه‌و پرۆژه‌یه‌ له‌ چوارچێوه‌ى ژماره‌یه‌ك پرۆژه‌ى دیكه‌ى خزمه‌تگوزاریی به‌ گوژمه‌ى 16 ملیار دینار له‌ گه‌رمیان ده‌چێته‌ بواری جێبه‌جێكردنه‌وه‌.
 
 



Dengnet.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 426,960     ژمارەی میوان 4