لەگەرمیان یەکگرتو دەنگ بە گۆڕان دەدات

2021/10/09 - 10:42 | 274 جار بینراوە    
 
دەنگ نێت
 
سەرچاوەیەک لەناو یەکگرتوی ئیسلامی رایدەگەیەنێت کە لە گەرمیان دەنگ بە کاندیدی گۆڕان دەدەن.
 
سەرچاوەیەک لە یەکگرتوی ئیسلامی کوردستان لە گەرمیان کە نەیویست ناوی بھێنرێت، بە رادیۆی دەنگی وت: لە سەرکردایەتی حزبەکەیانەوە پێیان راگەیەنراوە لێکتێگەیشتنیان لەگەڵ بزوتنەوەی گۆڕان کردوە، بۆ ئەوەی لەو بازنانەی کاندیدیان نییە دەنگ بە کاندیدی یەکتری بدەن.
 
وتیشی: بە دیارییکراوی لە گەرمیان بڕیارە ئێمە 'یەکگرتو' دەنگ بە کاندیدی بزوتنەوەی گۆڕان (ھۆشیار عومەر) بدەین و لە ھەڵەبجەش گۆڕان دەنگ بە کاندیدەکەی ئێمە (د. موسەنا ئەمین) بدات.
 
پێشتریش دەنگۆی ئەوە بڵاوبویەوە کە یەکگرتو لە گەرمیان دەنگ بە پارتی دەدەن، لەوبارەوە بەرپرسی مەڵبەندی گەرمیانی یەکگرتو لەلێدوانی بۆ رادیۆی دەنگ ئەو دەنگۆیەی رەد کردەوە.



Dengnet.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 390,149     ژمارەی میوان 19