هێزێكى گه‌وره‌ى سه‌ربازیی بۆ گه‌رمیان جوڵه‌ى پێكرا

2021/10/07 - 04:18 | 1341 جار بینراوە    
 
ده‌نگ نێت
 
هێزێكى گه‌وره‌ى سه‌ربازی به‌ ئۆتۆمبیلی سه‌ربازیه‌وه‌ به‌ره‌و سنورى گه‌رمیان به‌ڕێكه‌وتون و سه‌رچاوه‌یه‌كیش ده‌ڵێت: بۆ جێگیركردنێتى له‌ كێڵگه‌ نه‌وتیه‌كان.
 
به‌وته‌ى چه‌ند شایه‌تحاڵێك، هێزێكى سه‌ربازیی كه‌ ده‌وترێت سه‌ر به‌ "دژه‌ تیرۆر"ى یه‌كێتییه‌، له‌ شاری سلێمانیه‌وه‌ به‌ڕێكه‌وتوه‌ بۆ گه‌رمیان، كه‌ ژماره‌یه‌كى زۆر ئالیات و ئۆتۆمبیلی سه‌ربازییان له‌گه‌ڵه‌، له‌ نمونه‌ى هه‌مه‌ر و باجه‌ر.
 
به‌وته‌ى سه‌رچاوه‌یه‌كى ئاگادار، ده‌ویسترێت هێزه‌كه‌ له‌ كێڵگه‌ نه‌وتیه‌كانى سنورى گه‌رمیان جێگیر بكرێت و ئامانج له‌م هه‌نگاوه‌ش رون نییه‌‌.
 
ھاوکات سەرچاوەیەکی تر ھاتنەکەیانی گرێدایەوە بە بونی ھۆکاری ئەمنی.
 
ھاتنی ئەم ھێزەی یەکێتی بۆ گەرمیان، پاش سەردانی لاھور شێخ جەنگی ھاوسەرۆکی یەکێتی دێت بۆ سنورەکە بەمەبەستی بەشدارییکردن لە بۆنەیەک، کە یەکەم سەردانی ناوبراوە بۆ شوێنێکی دەرەوەی سلێمانی پاش روداوەکانی ٨ی تەموز کە لەلایەن بافڵ تاڵەبانی ھاوسەرۆک و ئامۆزایەوە کەنارخرا.
 
 
 



Dengnet.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 390,105     ژمارەی میوان 11