ئەندامێکی سەرکردایەتی پارتی: موشه‌كه‌كان له‌ دو سه‌رچاوه‌وه‌ ئاراسته‌ى هه‌ولێر كراون

2021/02/16 - 04:10 | 623 جار بینراوە    
 
ده‌نگ نێت
 
ئەندامێکی سەرکردایەتی پارتی دیموکراتی کوردستان، ده‌ڵێت ئه‌و موشه‌كانه‌ى ئاراسته‌ى هه‌ولێر كران لە دو سەرچاوەوە بوە، سەرچاوەیەکیان فێڵ بووە و بۆ تەشویش دروست کردن بەکارهێنراوە، بەڵام سەرچاوەی دوەم شوێنی ئاراستەکردنی موشەکەکان بوە.
 
نوری حەمە عەلی فەرماندەی میحوەری کەرکوک/ پردێی پێشمەرگە و ئەندامی سەرکردایەتی پارتی، به‌ ده‌نگى ئه‌مریكاى وتوه‌: گەر کاتیۆشاکان کە ئاڕاستەی هەولێر کران، کاتیۆشای 12 یی بن، ئەو جۆرە کاتیۆشایە زۆر بڕوات، 8 کیلۆمەتر دەڕوات، دوژمن چۆن دەتوانێت بێتە ناو هەولێرەوە، ناتوانن بێنە ناو هەولێرەوە."
 
جەختیشیکردەوە: "گەر کاتیۆشا تەقێنەرەکان هاتبنە نزیکەوە و لە جەبهەکانەوە دزەیانکردبێت، کەواتە لەناو سوپای عێراقیەوە، هاتوونەتە سنورەکانی ئێمە، ئەگینا ئەو چەکانە لە کوردستان نافرۆشرێ و دروست ناکرێت، ڕوونە لە کوێوە هاتون."
 
سەرکردەکەی پارتی دیموکراتی کوردستان، پێیوایە ئەو گروپەی هەولێریان موشەک بارانکردووە ڕاسپێردراون بۆ ئەو کارە و بەسەربەخۆ ئەنجامیان نەداوە، وتی: "کەس سەربەخۆ شت ناکات، با لێکۆڵینەوەیان لەگەڵ بکرێت، ڕوونە ساروخەکان لەکوێوە و چۆن هاتون."
 
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,449     ژمارەی میوان 594