ده‌نگ نێت
له‌به‌رامبه‌ر هه‌ڵوێسته‌كه‌ى یه‌كێتى بۆ سه‌ركۆنه‌ى گرتن و زیندانی كردنى چالاكی سیاسی و مەدەنى رۆژنامه‌نوسێك ده‌ڵێت: با به‌رپرسه باڵاكانى یه‌كێتى له حكومه‌تى هه‌رێم و كۆبونه‌وه‌یه‌ك رێكبخه‌ن له‌و باره‌یه‌وه.
سەرکردایەتی یەکێتی له راگه‌ینراوێكدا سەركۆنەی هەموو جۆرە گرتن و زیندانی كردنێكی كردوه لەسەر بیروڕای ئازاد بەتایبەت لەدەڤەری بادینان، هه‌روه‌ك داوای ئازادكردنی گیراوانیش دەكات.
له‌به‌رامبه‌ردا رۆژنامه‌نوس شوان محه‌مه‌د، له بابه‌تێكدا به ناونیشانى "ئەگەر یەکێتی درۆ ناکات" بۆ یه‌كێتى نوسیویه‌تى: "دەی فەرمو ئەمە ئەرز و ئەمەش گەز، سەرۆکی پەرلەمان لەلای ئێوەیە، جێگری سەرۆکی هەرێم و جێگری سەرۆکی حکومەتیش لای ئێوەیە، لەهەریەک لەم سێ سەرۆکایەتییە کۆبوونەوەیەکی تایبەت تەرخان بکەن بۆ پێشێلکارییەکانی سەر ئازادی بیروڕاو رۆژنامەگەری و مافی مرۆڤ.
ئاماژه‌ى به‌وه‌شكردوه: "ئەگەر درۆناکەن کێ رێگای لێگرتون".