له‌باره‌ى ده‌ستگیركردنى به‌رپرسانى ده‌روازه‌ى په‌روێزخان وه‌زاره‌تى دارایی رونكردنه‌وه‌ ده‌دات

2021/02/11 - 06:13 | 981 جار بینراوە    
 
ده‌نگ نێت
 
وه‌زاره‌تى دارایی له‌باره‌ى فه‌رمانی ده‌ستگیركردن بۆ به‌رپرسانی ده‌روازه‌ی په‌روێزخان و گومرك رونكردنه‌وه‌ ده‌دات و ده‌ڵێت فه‌رمانبه‌ر و به‌رپرسانی ده‌روازه‌و گومرك كاری خۆیان به‌ پێی یاسا و رێنمایه‌كان ئه‌نجام ده‌ده‌ن و ئه‌م بابه‌ته‌ هیچ لێكدانه‌وه‌ی دیكه‌ هه‌ڵناگرێت.
 
وه‌زاره‌تى دارایی بڵاویكردوه‌ته‌وه‌: ماوه‌ی چه‌ند رۆژێكه‌ له‌ میدیاكانەوە هه‌واڵی ده‌ركردنی فه‌رمانی ده‌ستگیركردن بۆ به‌رپرسانی ده‌روازه‌ی په‌روێزخان و گومرك به‌ مه‌به‌ست بڵاوده‌كرێته‌وه‌ و‌ فه‌رمانبه‌ر و به‌رپرسانی ده‌روازه‌و گومرك كاری خۆیان به‌ پێی یاسا و رێنمایه‌كان ئه‌نجام ده‌ده‌ن و ئه‌م بابه‌ته‌ هیچ لێكدانه‌وه‌ی دیكه‌ هه‌ڵناگرێت.
 
باسى له‌وه‌شكردوه‌: ئه‌م پرسه‌ ده‌رئه‌نجامی‌ پابه‌ندی ته‌واوی به‌رێوبه‌رانه‌ به‌ فه‌رمانی وه‌زاره‌ته‌وه‌ و له‌ داهاتوودا رونكردنه‌وه‌و ورده‌كاری زیاتر ده‌خه‌ینه‌ رو.
 
له‌ ماوه‌ى پێشودا چه‌ند جارێك دادگاى قۆره‌تو فه‌رمانى راگرتنى بۆ به‌رێوبه‌رى ده‌روازه‌ى په‌روێزخان و به‌رێوبه‌رى گورگى گه‌رمیان ده‌ركردوه‌ و دواترینشیان فه‌رمانى گرتنى بۆ به‌رێوبه‌رى گومرگى هه‌رێم و وته‌بێژى ده‌روازه‌ى په‌روێزخان ده‌ركرد.
 
 
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,663,334     ژمارەی میوان 534