بەرپرسی بانگەشەی ھاوپەیمانی کوردستان لە گەرمیان دەگۆڕێت

2021/09/21 - 08:13 | 1241 جار بینراوە    
 
دەنگ نێت
 
بەرپرسی بانگەشەی ھاوپەیمانی کوردستان لە گەرمیان، عیماد ئەحمەد دەگۆڕێت و شاڵاو عەسکەری لە جێگەکەی دادەنرێت.
 
بۆ ھەڵبژرادنی ئەنجومەنی نوێنەرانی عێراق، یەکێتی نیشتمانی کە ھاوپەیمانیی لەگەڵ بزوتنەوەی گۆڕان دا بەستوە، لەھەر ناوچەیەک و سەرکردەیەکی دیارییکرد بۆ سەرپەرشتییکردنی بانگەشەی ھەڵبژاردن، لە گەرمیانیش عیماد ئەحمەد دیاریی کرا.
 
بەوتەی چەند سەرچاوەیەکی نێو یەکێتی، لەئێستادا عیماد ئەحمەد لەو ئەرکە بەخشراوە و شاڵاو عەلی عەسکەریی لە جێگەکەی دانراوە و چەند رۆژێکیشە لە ناوچەکەدایە و سەرپەرشتی پرۆسەی بانگەشە دەکات.
 
بەوتەی ئەو سەرچاوانە، بەھۆکاری تەندروستی و نەخۆشی، عیماد ئەحمەد گۆڕاوە بە شاڵاو عەسکەریی.
 
 ھاوپەیمانی کوردستان، لە سنوری بازنەی پێنج لە پارێزگای سلێمانی کە ئیدارەی گەرمیان و قەزاکانی چەمچەماڵ و دەربەندیخان دەگرێتەوە، چوار کاندیدی ھەیە '٣ کاندیدی یەکێتی و ١ کاندیدی گۆڕان'.
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,839     ژمارەی میوان 564