دهنگ نێت
ماوهى ١٢ رۆژه زیندانیانى بادینان مانیانگرتوه له خواردن و خواردنهوه و به وتهى كهسوكارى زیندانیان له ئێستادا دۆخیان مهترسیداره.
پێش ١٢ رۆژ زیندانیانى بادینان به دروشمى "یان مردن یان ماف و ئازادی" مانگرتنیان له خواردن و خواردنهوه راگهیاند و ماوهى ١٢ رۆژه بهردهوامن لهو مانگرتنه و كهسوكارى زیندانیان و چالاكوانانیش هۆشدارى له دۆخى تهندروستى زیندانیان دهدهن.
بهپێی وتهى كهسوكارى زیندانیان ئهمڕۆ دۆخی تەندروستی ڕۆژنامەنووس "ئەیاز کەرەم" کە یەکێکە لە زیندانیانی بادینان لە زیندان تێکچوە و لە ھۆش خۆی چوە و تیمی تەندروستیش بەھانایەوە نهچون.
له ئێستادا ٨٢ زیندانی بادینان کە (٧٧)یان زیاتر لە ساڵێکە بێ دادگایی لە زیندانی ئاسایشی گشتیی ھەولێر و چاکسازیی گەورانن، مانیان له خواردن و خواردنهوه گرتوه، دۆخی تەندروستی بەشێکیان زۆر خراپە و داوای مافە سەرەتاییەکان و ئازادبونیان دەکەن.