ده‌نگ نێت
به پێى بڕیارێكى وه‌زاره‌تى په‌روه‌رده پێش واده‌ى ده‌ستپێكردنى ده‌وام ده‌بێت مامۆستایان ڤاكسینى كۆرۆنا وه‌ربگرن.
دارا ئه‌حمه‌د سه‌مین، به‌ڕێوبه‌رى گشتى په‌روه‌رده‌ى گه‌رمیان به رادیۆى ده‌نگى وت: "پێشوه‌خت وه‌زاره‌تى ته‌ندروستى و وه‌زاره‌تى په‌روه‌رده رێككه‌وتون كه پێش واده‌ى ده‌ستپێكردنه‌وه‌ى ده‌وام مامۆستایان ڤاكسینى كۆرۆنا وه‌ربگرن، وه‌زاره‌ت به‌رنامه‌یه‌كى تایبه‌تى بۆ داناوین بۆ ئه‌و مه‌به‌سته".
وتیشى: له‌گه‌ڵ به‌ڕێوبه‌رایه‌تى ته‌ندروستى رێككه‌وتوین و خشته‌یه‌كى تایبه‌تمان ئاراسته‌ى په‌روه‌رده‌كان كردوه كه رۆژانه 5 قوتابخانه ڤاكسین وه‌ربگرن به قه‌زا و ناحیه‌كانه‌وه كه رۆژى سێشه‌مان دیارى كراوه.
ده‌شڵێت: بۆ وه‌رگرتنى ڤاكسینه‌كه مه‌ڵبه‌ندى شێروانه ده‌ست نیشانكراوه، پرۆسه‌كه‌ش به‌رده‌وامى ده‌بێت.