په‌روه‌رده‌ى گه‌رمیان: هاتنى بودجه‌ به‌رده‌وام بێت پله‌به‌رزكردنه‌وه‌ى مامۆستا ده‌ستپێده‌كات

2021/08/23 - 06:17 | 678 جار بینراوە    
 
ده‌نگ نێت- هێما شوان
 
له‌گه‌ڵ نزیكبونه‌وه‌ى ده‌ستپێكردنه‌وه‌ى وه‌رزى نوێی خوێندن مامۆستایان ژماره‌یه‌ك داواكارى ده‌ده‌نه‌ وه‌زاره‌تى په‌روه‌رده‌ و له‌ئه‌گه‌رى جێبه‌جێنه‌كردنیشى ده‌ڵێن هه‌ڵوێستمان ده‌بێت.
 
نه‌به‌رد ئه‌حمه‌د، ئه‌ندامی ئه‌نجومه‌نی سه‌رانسه‌ری مامۆستایانی ناڕازی به‌ رادیۆی ده‌نگی راگه‌یاند: جیاواز له‌ ساڵانی پێشو ئه‌مساڵ كۆمه‌ڵێك داواكاری ده‌ده‌ینه‌ وه‌زاره‌تی په‌روه‌رده‌  كه‌خۆی ده‌بینێته‌وه‌ له‌ قه‌ره‌بوكردنه‌وه‌ی ساڵی پێشو و گرنگیدان به‌كه‌رتی په‌روه‌رده‌ كه‌ له‌ هه‌ره‌سهێنانی یه‌كجاره‌كی نزیكبوه‌ته‌وه‌.
 
وتیشی: كه‌وا جه‌خت له‌سه‌ر پله‌ به‌رزكردنه‌وه‌ی مامۆستایان ده‌كه‌ین كه‌ راگیراوه‌و دیاریكردنی میكانیزمێك بۆ گه‌ڕاندنه‌وه‌ی موچه‌ پاشه‌كه‌وت كراوه‌كانمان.
 
له‌به‌رامبه‌ردا به‌ڕێوبه‌ری په‌روه‌رده‌ی گه‌رمیان به‌ ڕادیۆی ده‌نگى وت: ئه‌نجومه‌نی وه‌زاره‌تی په‌روه‌رده‌ بڕیاریان دابو ١/٩ بازنه‌ی یه‌كه‌م و دوهه‌می خوێندن بكرێته‌وه‌، به‌ڵام لیژنه‌ی ڕوبه‌ڕوبونه‌وه‌ی كۆرۆنا له‌به‌ر زۆری رێژه‌ی توشبوانی كۆرۆنا ڕازی نه‌بون، ئێستاش بڕیاره‌ ١٤/٩ ده‌وامی فه‌رمی خوێندنگاكان بكرێنه‌وه‌ و دیسان ده‌بێ لیژنه‌ی روبه‌ڕوبونه‌ی كۆرۆنا ره‌زامه‌ندی بده‌ن.
 
جه‌ختی له‌وه‌شكرده‌وه‌: ئه‌گه‌ر هاتنی بودجه‌ له‌ به‌غداوه‌ به‌رده‌وام بێت ئه‌وا پله‌ به‌رزكردنه‌وه‌ی مامۆستایانیش ده‌ست پێده‌كاته‌وه‌.
 
وتیشی: بڕیاره‌ هه‌ر له‌ سه‌ره‌تای ساڵی نوێی خوێندندا قه‌ره‌بوی ساڵی پێشو بكرێته‌وه‌.
 
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,277     ژمارەی میوان 424