دەنگ نێت- دونیا عەبدولڕەحمان
بەرپرسێک ئاشکرای دەکات سواڵکردن بوەتە دیاردە و زۆرینەی ئەوانەشی لە گەرمیان سواڵ دەکەن، خەڵکی ناوچەکە نین.
مقه‌ده‌م: دیار عه‌باس، به‌ڕێوبه‌رى نوسینگه‌ى به‌ره‌نگاربونه‌وه‌ى بازرگانیكردن به مرۆڤ لە گەرمیان، بە رادیۆی دەنگی وت: سواڵکردن بوە بەدیاردە، بە زۆری کەسانێکیش بەم کارە ھەڵدەستن کە خەڵکی دەرەوەی سنورەکەن.
لەبارەی ژمارەی ئەو کەسانەی کە بە تۆمەتی سواڵکردن لە گەرمیان دەستگیرکراون، بەڕێوبەرەکەی به‌ره‌نگاربونه‌وه‌ى بازرگانیكردن به مرۆڤ ئامارێکی نەخستەڕو، ھاوکات وتەبێژی پۆلیس گەرمیانش رایگەیاند کە لەو روەوە ئاماریان لەبەردەستدا نییە.
بەشێک لەوانەی سواڵ دەکەن، ژن و مناڵن، گومانیش دەکرێت لەلایەن کەسانی دیکەی خێزانەکانیانەوە بەکارھێنرابن بۆ ئەو کارە. لەمبارەیەوە مقه‌ده‌م: دیار عه‌باس وتی: ئێمە لێپێچینەوە لەگەڵ ئەوکەسانە دەکەین کەبەکاریان دەھێنن بۆ مەبەستی سواڵکردن.