ده‌نگ نێت
ئه‌مڕۆ نه‌وه‌ى نوێ له كه‌لار ژماره‌یه‌ك كه‌پر و كورسى له پێش بانكى كه‌لار دانا بۆ ئه‌و كه‌سانه‌ى ده‌ڕۆنه بانكه‌كه بۆ وه‌رگرتنى موچه‌كانیان، به‌ڵام به‌ڕێوبه‌رى بانكه‌كه كه‌پر و كورسیه‌كانى لابردوه.
مانگانه له كاتى دابه‌شكردنى موچه‌ى خانه‌نشیناندا سه‌روى پێنج هه‌زار كه‌س له‌بانكى كه‌لار موچه وه‌رده‌گرن، به‌ڵام به‌شێكى زۆریان له پێش بانكه‌كه له چاوه‌روانیدا ده‌بن و جێگه‌یان بۆ دابین نه‌كراوه.
نه‌وه‌ى نوێ له زۆرینه‌ى بانكه‌كانى كوردستان كورسى و كه‌پرى بۆ جێگه‌ى چاوه‌راوانى دانابو، به‌ڵام پاش ئه‌وه‌ى به‌ڕێوبه‌رى بانكى كه‌لار ئاگادار كرابوه‌وه له كاره‌كه كورسى و كه‌پره‌كانى لابردوه.
رادیۆى ده‌نگ بۆ وه‌رگرتنى زانیارى له‌باره‌ى هۆكارى لابردنى ئه‌و كورسى و كه‌پرانه‌وه په‌یوه‌ندى به ئاریا ئه‌نوه‌ر، به‌ڕێوبه‌رى بانكى كه‌لاره‌وه كرد، به‌ڵام په‌یوه‌ندییه‌كه‌ى بێ وه‌ڵام بو.