له‌باره‌ى وه‌رگرتنى پاره‌ بۆ هه‌ڵدانه‌وه‌ى پێوه‌رى زیره‌ك كاره‌باى گه‌رمیان رونكردنه‌وه‌ ده‌دات

2021/08/01 - 09:05 | 1068 جار بینراوە    
 
ده‌نگ نێت
 
پاش ناره‌زایه‌تى هاوڵاتیان له‌باره‌ى هاتنه‌ خواره‌وه‌ى پێوه‌رى زیره‌كى كاره‌باكه‌یان كه‌ برى 10 هه‌زار دینار ده‌درێت تاوه‌كو كاره‌باكه‌یان بۆ به‌رزبكرێته‌وه‌، به‌ڕێوبه‌رى كاره‌باى گه‌رمیانیش ده‌ڵێت: هه‌رهاوڵاتیه‌ك بێت و سكاڵابكات له‌سه‌ر ئه‌و پرسه‌ ئه‌و كه‌سه‌ روبه‌روى یاساى ده‌كه‌ینه‌وه‌.
 
حازم كه‌ریم، به‌ڕێوبه‌رى گشتى به‌رێوبه‌رایه‌تى كاره‌باى گه‌رمیان له‌مباره‌یه‌وه‌ بۆ رادیۆى ده‌نگ وتى: "له‌ ئێستادا له‌ به‌ڕێوبه‌رایه‌تیمان سیسته‌مى كۆڵ سنته‌ر هه‌یه‌ وه 2 ژماره‌ ته‌له‌فۆنى تایبه‌تمان هه‌یه‌ بۆ ئه‌و پرسه‌ كه‌ 24 كاتژمێر له‌ به‌رده‌ستدایه‌ و هه‌ر هاوڵاتیه‌ك  پێوه‌ره‌كه‌ى هاته‌ خواره‌وه‌ ده‌توانێت په‌یوه‌ندیمان پێوه‌ بكات و له‌ رێگه‌ى ئه‌و سیسته‌مه‌وه‌ كاره‌باكه‌ى بۆ هه‌ڵ ده‌درێته‌وه‌".
 
هێماى بۆ ئه‌وه‌شكرد: له‌ ئێستادا هاتنه‌ خواره‌وه‌ى پێوه‌رى زیره‌ك له‌ 45 خوله‌كه‌وه‌ كراوه‌ به‌ 20 خوله‌ك به‌ بڕیارى وه‌زاره‌تى كاره‌با، هه‌ر هاوڵاتیه‌ك كه‌ پاره‌ى لێوه‌رگیراوه‌ له‌لایه‌ن كرێكارى كاره‌باوه‌ ده‌توانێت بێت و سكاڵابكات له‌ به‌رێوبه‌رایه‌تیمان روبه‌روى یاساى ده‌كه‌ینه‌وه‌. 
 
 
 



Dengnet.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 353,747     ژمارەی میوان 14