دەنگ نێت
بەڕێوبەری گشتی تەندروستی گەرمیان دەڵێت ڤایرۆسی کۆرۆنای دەلتا لە گەرمیان تۆمار کراوە و زۆربەی توشبوەکان له ئێستادا هەڵگری ئەو جۆرە ڤایرۆسەن.
لەماوەی ٢٤ کاتژمێری رابردودا لەهەرێمی کوردستان 12 هاوڵاتی دوای توشبونیان بە ڤایرۆسەکە گیانیان لەدەست داوە کە سێ هاوڵاتیان دانشتوی گەرمیان بون.
لەبارەی تۆمارکردنی ڤایرۆسی کۆرۆنای دەلتا سیروان محەمەد، بەڕێوبەری گشتی تەندروستی گەرمیان بە رادیۆی دەنگی راگەیاند: "ئەو جۆرە ڤایرۆسە نوێیە لە گەرمیان تۆمار کراوە".
وتیشی: بەڕێژەیەکی زۆر توشبوە نوێیەکان لەسنوری گەرمیان ڕۆژانە هەڵگری ڤایرۆسی کۆرۆنای دەلتان.