جیاوازى نرخى ده‌رمان له‌ ده‌رمانخانه‌كان هاوڵاتیانى نیگه‌ران كردوه‌

2021/07/15 - 06:45 | 548 جار بینراوە    

 

ده‌نگ نێت

 

به‌رپرسى لیژنه‌ى ده‌رمانخانه‌ و نۆرینگه‌كانى كه‌لار هۆكارى گرانبونى نرخى ده‌رمان ده‌گه‌ڕێنێته‌وه‌ بۆ به‌رزبونه‌وه‌ى نرخى دۆلار و ده‌ڵێت ٣٦ ده‌رمانخانه‌مان سزادراوه‌.

 

به‌شێكى زۆرى هاوڵاتیان نارازین له‌ گرانى نرخى ده‌رمان و جیاوازى زۆرى نرخى ده‌رمان له‌ ده‌رمانخانه‌یه‌كه‌وه‌ بۆ ده‌رمانخانه‌یه‌كى دیكه‌، به‌رپرسى لیژنه‌ى ده‌رمانخانه‌ و نۆرینگه‌كان له‌ قائیمقامیه‌تى كه‌لار نایشارێته‌وه‌ كه‌ جیاوازى له‌ نرخه‌كاندا هه‌یه‌.

 

پشتیوان کەریم، به‌رپرسى لیژنەی دەرمانخانە و نۆرینگەکان لەقائیمقامیەتی قەزای کەلار به‌ رادیۆى ده‌نگى راگه‌یاند: به‌پێی چاودێریەکانمان جیاوازی نرخ لە دەرمانخانەیەک بۆ درمانخایەکی دیکە بونی هەیە  و بەشێکی بۆ بەرزبونەوەی نرخی دۆلار گه‌رانده‌وه‌.

 

وتیشی: لەماوەی شەش مانگی ئەمساڵدا 36 دەرمانخانە و نۆرینگەمان  سزاداوە و 12 تەن دەرمانمان لەناوبردوە.