ده‌نگ نێت
حه‌وت ساڵه بڕیارى دروستكردنى ماسته‌رپلانى قه‌زاى كفرى دراوه، به‌ڵام تا ئێستا ته‌واو نه‌كراوه و به‌جێهێڵراوه.
قه‌زاى كفرى یه‌كێك له كۆنترین شاره‌كانى هه‌رێمه، به‌ڵام له ماوه‌ى ساڵانى پێشودا نه‌بونى پرۆژه‌ى خزمه‌تگوزاریی و فراواننه‌بونى ره‌خنه‌ى به‌رده‌وامى دانشتوانه‌كه‌یه‌تى، سەرۆکی شارەوانی قه‌زاكه‌ش ده‌ڵێت تەواونەکردنی ماستەر پلانى شارەکە هۆکارێکە بۆ بەرفراواننەبونی قەزاکە.
قادر فاتیح، سەرۆکی شاره‌وانی کفری بە رادیۆی دەنگی راگەیاند: لەساڵی 2014 تائێستا ماستەر پلانی کفری تەواو نەکراوە و لەلایەن کۆمپانیای جێبەجێکارەوە جێهێڵدراوە.
ئاماژه‌ى به‌وه‌شكرد: ماسته‌ر پلانه‌كه ٨٥٪ى تەواوبوە.
سەرۆکی شاره‌وانی کفری، وتیشی: نەبونی ماستەرپلان کێشەیەکی سەرەکیە بۆ ئەنجامنەدانی پڕۆژە لە قەزاکەدا.