گه‌رمیان: بڕیارێكى نوێ بۆ ئه‌و پرۆژانه‌ى وه‌به‌رهێنان ده‌رده‌چێت كه‌ جێبه‌جێكردنى دواكه‌وتوه‌

2021/05/31 - 04:44 | 975 جار بینراوە    
 
ده‌نگ نێت
 
چه‌ندین پرۆژه‌ى وه‌به‌رهێنان له‌گه‌رمیان زه‌وییان بۆ ته‌رخان كراوه‌ و كه‌چى نه‌چونه‌ته‌ بوارى جێبه‌جێكردنه‌وه‌، به‌ڕێوبه‌رى وه‌به‌رهێنانى گه‌رمیانیش ده‌ڵێت: هه‌ر پرۆژه‌یه‌ك له‌ماوه‌یه‌كى كه‌مدا كاركردنى نه‌گاته‌ 35%، مۆڵەتەکەی هەڵە دەوەشێنرێتەوە.
 
به‌پێی به‌دواداچونه‌كانى رادیۆی ده‌نگ، چه‌ندین پارچه‌ زه‌وی له‌ كه‌لار هه‌یه‌ كه‌ دراون به‌ پرۆژه‌ى وه‌به‌رهێنان، كه‌چى كاریان تێدا ناكرێت و پرۆژه‌كان دروست نه‌كراون، له‌كاتێكدا به‌شێك له‌و زه‌ویانه‌، له‌ شوێنى گرنگ و ستراتیژی دان.
 
له‌باره‌ى رێكاره‌كانى مامه‌ڵه‌كردن له‌گه‌ڵ ئه‌م پرسه‌دا، به‌ڕێوبه‌رى وه‌به‌رهێنانى گه‌رمیان ده‌ڵێت: بڕیارێكى نوێ ده‌ركراوه‌.
 
هونەر مەحمود، بە رادیۆی دەنگی راگەیاند: به‌پێی رێنمایەکی نوێ هەر زەوییەک مۆڵه‌تپێدانی پرۆژەى بۆ کرابێت و کارکردنی تێیدا نە گشتبێتە 35%، ئەوا مۆڵەتەکەی هەڵدەوەشێنرێتەوە‎.
 
وتیشی: قەبارەی ئەو زەویانەی وەرگیران و کاریان تێدا ده‌ستی پێنەکردوە و ماونەتەوە کەم و سنوردارن.
 
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,842     ژمارەی میوان 563