ده‌نگ نێت
حه‌وت وڵاته پیشه‌سازییه‌كه‌ى جیهان كه به گروپى ٧ ناسراون، ده‌یانه‌وێت هه‌تا كۆتایی ئه‌مساڵ ده‌ستبه‌ردارى هه‌مو پاڵپشتیه‌كى به‌رهه‌مهێنانى خه‌ڵوزى به‌ردین بن له پیشه‌سازی دا.
له راگه‌یه‌نراوی كۆتایی گروپه‌كه پاش كۆبونه‌وه‌ی وه‌زیرانى ژینگه و وزه‌یان بۆ ماوه‌ى دو رۆژ له بریتانیا، هه‌ر حه‌وت وڵاته‌كه (ویلایه‌ته یه‌كگرتوه‌كانى ئه‌مریكا، بریتانیا، كه‌نه‌دا، ژاپۆن، فه‌ره‌نسا، ئه‌ڵمانیا و ئیتاڵیا) له‌گه‌ڵ یه‌كێتى ئه‌وروپا، بڕیاریدانداوه كه كاربكه‌ن بۆ نزمكردنه‌وه‌ى پله‌كانى گه‌رما به رێژه‌ى ١.٥ پله هه‌تا ساڵی ٢٠٣٠، بۆ ئه‌م مه‌به‌سته‌ش چه‌ند رێوشوێنێك ده‌گرنه‌به‌ر.
یه‌كێك له‌و رێوشوێنانه‌ش، ئه‌وه‌یه كه هه‌تا كۆتایی ئه‌مساڵ هه‌ر حه‌وت حكومه‌ته‌كه ده‌ستبه‌ردارى هه‌مو پاڵپشتیه‌ك ده‌بن له پیشه‌سازیی خه‌ڵوزى به‌ردیین و به‌كارهێنانى بۆ به‌رهه‌مهێنانى وزه.
خه‌ڵوزى به‌ردین، به‌یه‌كێك له دیارترین ئه‌و سه‌رچاوانه‌ى وزه داده‌نرێت كه رۆڵی له پیسكردنى ژینگه و گه‌رمتركردنى كه‌شوهه‌وادا هه‌یه.